الرئيسيةاسرار الابراجتوافق الابراج وتوقعات الابراج مع الفلكيه ماغي فرح تكشف صدمات لبعض الابراج وسلبيات الابراج بالكامل ليوم السبت 10مارس
اسرار الابراجتحليل الشخصياتتوافق الابراجحظك اليوم و الابراج اليوميةصفات الابراجطالع الابراج

توافق الابراج وتوقعات الابراج مع الفلكيه ماغي فرح تكشف صدمات لبعض الابراج وسلبيات الابراج بالكامل ليوم السبت 10مارس

توقعات الابراج مع الفلكيه ماغي فرح تكشف صدمات لبعض الابراج وسلبيات الابراج بالكامل ليوم السبت 10مارس

 الـــسبــت_10_آذار_مــارس_2018
👇🍀
 مع_الأبراج

 القمــر ينتقل بكرا صباحا” حوالي الساعه 11 لبــرج #الجــدي الترابيّ ..تأثير # ظـلّ قمـر الجـدي ::
بعد فتره من التفاؤل والنشاط والحيويه والمعنويات العاليه مع قمر القوس بننتقل لحاله تانيه مع قمر الجدي بتجي فتره من الهدوء والبطء والنظام الروتيني لإيقاع حياتنا..بتسود الجديّه والواقعيه على تصرفاتنا وبنعتمد الأسلوب المنهجي البعيد عن كل فوضى فتره فيها وعي اكتر وتنظيم ورتابه وهي مناسبه لأبراج متل الجدي والعذراء والعقرب ..
🍀👇

القمــر #بمنزلة #البلدة وهي بتكون ببداية الصباح ولحتى يصير القمر بالجدي ومنزلة البلده صعبه شوي ..مابتفيد بتجديد شي بس منيحه للشفاء ..ومع دخول القمر #بمنزلة # سعــد_الذابــح وهي من أول الجدي بتبلّش مع دخول القمر للجدي متوسطة السعاده وبتفيد بالثبات والحريه والخلاص وكمان منيحه للتجاره وتصدير البضائع والمولود بهالمنزله مسعود وخاصّه الذكر اكتر من الانثى ..
👇🍀

#الزوايــا لبكرا أهمّها #الزاويه بين القمر وزحل بحالة اقتران وهي زاويه غير جيّده أبدا” وينصح بتأجيل الأمور المهمّه.. بيرافقها هدم وتكسير ..
#زاويه المشتري والقمر تسديس جيد ومناسبه لإهداء الهدايا و لزيارة الاقارب وصلة الرحم وعيادة المريض.. وللسفر القريب والحظوظ الماليّه.
#زاويه 90° بين القمر وعطارد وهي منيحه لشراء الكتب وأدوات التواصل متل اجهزة خلويه وحواسيب وسيارات وكمان بتعطينا حافز لنتعرف ع ناس جدد بطريقه محببه ..
👇🍀

 الرقــم الخاصّ بمسار بكرا (6) وهو رقم البدايه والخلق والتفرد ناتج من ثلاث أرقام ثنائيه يلي بتعبر عن التوازن والجمال والقدره على استعمال المشاعر والرقم 6 له جانب مظلم والسبب هو أن ال6 ناتج 3+3 يعني 33 هالشي بيتحدى المثلث اللي رأسه نحو السماء وبيعبر عن قوى شرّ تتحدّى الخير وهاد الهرم العددي ليوم بكرا ::::.
6
4 2
1 3 2
10 3 11
10 3 2018
الهرم فيه ارقام جيده متل ال10 وال18..والرقم الكبير للغدّ 3831 وبالتصغير = 6 نفس رقم المسار

🔢 🍀

ــــــــــــــــــــــ

🍀👇

 الأبراج لبكرا :::.

 الحـَـمل  🍀
بكرا بشكل عامّ لابأس فيه ..ممكن تحسّ حالك على غير عادتك وطبعك.. يعني بتميل اكتر للجديّه والتنظيم ..وقت تناقش عم تكون حدا مسيطر وفارض رأيه بقوّة وبتحب تستقبل ناس اكتر ماإنك تأدي زيارات .. أفكارك عم تدور هالفتره عن أحلامك وكيف راح ترتقي أكتر وتحقق طموحك ..ومزاجك لبكرا 70% #عاطفه لاتستعجل شي يعني لو كانت التطورات بطيئه بس الحظّ موجود..وبكرا بتناقش كتير أمور وتفصيلات مع الشريك وافضلهم الميزان والأسد والدلو والحوت والجدي والقوس والحمل

 الــثــور 🍀
بترتاح أخيرا” من الضغط والتوتر ..بالغدّ وضعك افضل وبتحس حالك كتير فهمان الأمور وملمّ بكل التفاصيل ..ثقافتك بالنقاشات واضحه ..وقت مناسب للسفر وتخطط لكلشي بيخصّ العمل والدراسه والمعرفه ..بتعيش التجديد غدا” ..ومزاجك لبكرا 80% #عاطفه هالفتره مافيك تعتمد عالحظ وبيغلب الروتين ع حياتك العاطفيه .. بدك تنتظر كم يوم .. وبكرا افضل شريك العذراء والسرطان والعقرب والحوت والثور والجدي

 الجــوزاء  🍀
بكرا بتحسّ بحالة اكتئاب وبتميل للعزله وبتتجه لأمورك الشخصيه اللي تاركها وراك ..بتفتش جوّاتك ع ذكريات وماضي وبتراودك افكار سلبيّه خاصه مع حلول المساء ..بدك تكون اقوى وتعزز معنوياتك ومابنصحك تكون لوحدك..خالط الناس اللي بتعطيك تفاؤل وابتعد عن اللي بيحبطوك و بيمتصو طاقتك وانتبه للصحه وخاصّه العصبيّه والنفسيّه ومزاجك 50% #عاطفه عم تسأل حالك عن سبب الفشل والعراقيل بالحظوظ العاطفيه ..المريخ معاكسك .بس اطمن خلال اسبوع بتتحسن امورك وخاصّه بعد20 الشهر وبكرا يمكن تتواصل مع حدا هو صديق وانت شايفو اكتر من صديق ..وافضل شريك لبكرا الدلو والأسد والجوزاء والقوس والميزان والعقرب والحمل

 الســرطان  🍀
بكرا لوكان الوضع بنواحي لصالحك ..بس لازم تتوخى الحذر وأجّل الشي المهمّ بسبب اقتران زحل والقمر هي السمه بيرافقها حزن وقهر ..ممكن خبر يخص غيرك يسببلك الحزن.. ومن ناحيه تانيه بكرا جيّد لتخطط لأمور مستقبليّه متل شراكه وزواج وبالمسا بتقضي وقت لنفسك وبتراجع الوضع المادّي وبالمبدأ في شي مبشر بس كون متفائل وصبور ومزاجك لبكرا 75% #عاطفه مع تواجد القمر وزحل بكرا مواجهين لإلك حاول تأجل أمور زواج وخطبه لأن الغد غير مناسب وانتبه من الخلافات .. وافضل شريك العذراء والسرطان والعقرب والجدي والحوت والثور.

 الأســد  🍀
بيبلّش صباحك بشكل جيّد وبتكون متفائل ..بعدين بتلاقي حالك بوضع جديد فيه تعب وارهاق واعمال كتيره بتنفرص عليك وروتينيه.. بس عطارد بيخليك تكون منظّم وذكي ..حاول بس ماتتوتر وتعصّب واستعين بالناس اللي بتقدملك مساعده لوكان دعم معنوي ..عندك ارتياح مادّي بالفتره القادمه ومزاجك 65% #عاطفه دائما” عندك مفاجآت غير متوقعه منها سلبي ومنها ايجابي.. إنما بطمنك هالفتره ايجابيه وبإمتياز..بس خففّ سيطرتك عالشريك واسمحلو يعبر عن وجهة نظرو .. وافضل شريك الحمل والجوزاء والميزان والعقرب والدلو والقوس والأسد..

 العــذراء  🍀
بكرا بيكون الحظ حليفك ..بتتحسّن صحتك النفسيّه والجسديّه وبتهتمّ بأمورك المنزليّه والعائليه وعندك حكمه بتصرفاتك وصريح ومتصالح مع نفسك وبيفيدك اتصال القمر ببلوتو بعد بكرا بأمور المال والربح والعمل والعاطفه و بتحسّ بتفاؤل وطاقه عاليه بس خليك متأنّي ..ومزاجك لبكرا 85% #عاطفه حاول تعزز الواقعيه عندك و خفّف سقف أحلامك ودائما” خود موقف محدد ولاتكون رمادي مع الطرف التاني وافضل شريك لبكرا السرطان والعقرب والعذراء والحوت والجدي والثور والدلو ..

 الميــزان  🍀
بدك تنتبه من الأعداء والخساره و خليك متأنّي وحكيم ..الأفضل تأجّل الأمور المهمّه..وبكرا بالنهار ممكن توصلك اتصالات مزعجه وتحس بقهر ..بتستّجد أمور عائليّه أو شي بيخصّ الوالدين وبتشغلك أمور الممتلكات والمال ومزاجك 65% #عاطفه عندك فرص زواج وارتباط بس بكرا الوضع مربك يعني وارد يكون في سوء فهم أو نزاع بسيط ..وافضل شريك لبكرا الدلو والأسد والجوزاء والميزان والحمل والقوس ..

 العقــرب  🍀
بتطلع من وضع روتيني وصعب وبتكون واثق بنفسك اكتر ..بترجع للنشاط والحيويه وبتهتمّ بالمعرفه وجمع المعلومات وبكرا ممكن تتواصل مع ناس مهمّه أو أشخاص بيقدمولك دعم جيّد..بتنشط بالتواصل والتنقلات يعني فتره تمهيديه لبداية جديده وقويّه.. بس انتبه للخلافات العائليه ومزاجك لبكرا 85% #عاطفه تطورات بطيئه نسبيّا” خلال آذار بتراوح مكانك.. يعني مارح تلاقي فرص جديه لنهاية الشهر .. وافضل شريك لبكرا العذراء والسرطان والعقرب والجدي والحوت والحمل ..

القــوس  🍀
بكرا بيكفي الحظّ معك و بتستجد أمور مهمّه بتخصّ الرزق والمال يعني فتره مهمّه لتبلّش شغل وتجني مصاري وبلوتو مع القمر بيدعم المشاريع الماليّه بيقدملك انفراجات جيّده وفرص تتحسّن ظروفك الماديّه بعد فتره ضاغطه ..فيك ترجع تبلّش مشروع وعمل وتعيد حساباتك بشأن علاقاتك مع محيطك وترجع الثقه .. وبكرا مزاجك 75% #عاطفه قربت تلاقي حلول خاصه مسألة الارتباط والاستقرار وعلاقتك مع الحبيب يعني الفتره الذهبيّه بين يديك ..وافضل شريك لبكرا الحمل والأسد والميزان والجوزاء والدلو والقوس ..

الجــدي  🍀
بعد أيام متعبه بتلاقي وضعك اكثر استقرار ..بتكون مرتاح و بيحلّ عندك القمر بيعطيك الحظ والجاذبّيه والحضور وخاصّه كلامك وشخصيتك وطريقك إقناعك.. بيتزامن هالشي بعد بكرا مع اتصال بين القمر وبلوتو كوكب التحوّل والتغيير والبناء وتأثير بلوتو معنوي ونفسيّ وبيخلي حكمك صائب وبيعطيك ابداع فكري ..بس احذر بكرا من الحوادث خاصه الكسر والجروح ..ومزاجك لبكرا 85% #عاطفه الفتره القادمه جيّده وافضل فترات بتقدر تقرر ويكون قرارك صائب ممكن عودة علاقه أو بناء علاقه جديده وافضل شريك لبكرا الثور والجدي والحوت والسرطان والعقرب والعذراء

الدلــو  🍀
بكرا يوم فيه تعب ..بيطرأ وضع عائلي أو بتفوت بمشاحنات وبيتعكر مزاجك ..بس انت طبعك متسامح وغضبك آني خليك واثق بنفسك ولاتتسرّع ..وبحب طمنك عن وضع راح ينحلّ بيخصّ العمل أو تجاره ونقل وبتقدر توصل افكارك صحّ ..ومزاجك لبكرا 65% #عاطفه عندك حظوظ واضحه.. بترجعلك ثقتك بنفسك والأمور بتشهد حلول وبشكل تصاعدي لاتفكر كلشي بينحل بلحظه ..وافضل شريك لبكرا القوس والجوزاء والدلو والحمل والميزان والأسد والعذراء..

الحــوت  🍀
الوضع لبكرا أفضل بكتير من اليومين الماضيين وبتلاقي دعم من أصدقاء.. بتكون اكتر حكمه ورزانه بتميل لإحاطة نفسك بناس موثوقين لتحسّ بالأمان .. هالفتره مهمّه لعودة علاقات وكمان لتبلّش بمشروعك الشخصيّ أو دراسه وعمل وتكسب مصاري ..يعني مدعوم بطاقه كبيره وتصميم .. ومزاجك لبكرا 85% #عاطفه الوضع هالفتره افضل وبيكون اتصال نبتون والشمس لصالحك بيعطيك شعور بالطمأنينه الداخليه بتكون كتير رومنسي وحالم وافضل شريك لبكرا السرطان والعقرب والحوت والجدي والحمل والثور والعذراء..

ــــــــــــــــ🍀ــــــــــــــــ
حظّ وافر بتمنّاه للجميع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *